Want iemand hoor vir my, ek sal iewers van hierdie bus moet afklim.
Vandat Facebook in ons lewens het, is daar ‘n groter behoefte aan onmiddellike terugvoer op ‘n gesprek. Facebook vervul ‘n wonderlike rol, omdat dit so lekker en interaktief is. En reaksie is blitsig. Ek speel graag saam op Facebook, en gebruik dit ook as ‘n bemarkingsmiddel vir ons besigheid. Met so ‘n verskeidenheid mense verskil ons lekker oor dinge, en ons stem ook saam oor baie. Ons leer mekaar ken, en ons grou mekaar uit ons verledes. My laerskoolvriende uit die 1960’s sluit flink aan by die groep wat ek onlangs gestig het.
Daar is net een nadeel van Facebook. Dit verdwyn te vinnig! Ons het heerlike gespreksforums daar, maar wee jou as jy iets soek waaroor julle twee weke gelede gesels het.
Nou Twiet almal, ek ook. Maar ek vind dit hopeloos te eensydig, en vinnig afgejaag. Dit laat my dink aan ‘n seuntjie met ‘n peashooter wat goed uitblits, en wie gee eintlik om?
Nou wat gaan na Twitter volg, wat nog vinniger is, en meer gerig op instant gratification? Dan klim ek van hierdie bus af!
Waarheen kom ek elke keer terug? BLOGGING. Want dis lekker om mense se opinies te hoor, en oor hulle lewens te lees, en ook my ervaringe te deel.
Dankie dat julle almal in my lewe is.
(En as jy my ten spyte hiervan tog wil volg op Facebook of op Twitter, kliek op die icons links bo…)
toortsie said:
Fb is vir my lekker omdat ek daar sinnetjies ruil met mense wat ek ken. Blog bevredigend omdat jy meer kan sê.
LikeLike
MaanKind said:
Blog is vir my baie meer bevredigend. Dit is ook vir my die plek wat ek myself kan spieël.
LikeLike
theonlycin said:
Ek stem saam, Maankind. Ek het my blog uit onkunde begin. Ek was onder die indruk dat “blogging” vir my ‘n argief en spasie kan wees waar ek my herhinneringe van my kinderjare in my ma en ouma se kombuise, en die van my eie kookervaringe verniet kan neerpen en dit kan nalaat vir my dogter om eendag te kan lees. My blog het binne ‘n baie kort tyd gewildheid bereik, tot my blye verbasing. Ek het baie wonderlike en inspireerende vriende – soos jy – deur hierdie medium ontmoet .
LikeLike
MaanKind said:
Kwaliteit soos joune kan nie onderdruk word nie, al probeer jy. Om kos en woorde en fotografie te kan meng, sit nie in elke ou se broek nie.
LikeLike
demoerin said:
Nee, ek hou maar verby twitter. Ek het lyn getrek by Facebook – hoe meer involved mens raak, hoe meer van jou tyd word in beslag geneem.
LikeLike
MaanKind said:
Dis vir my ook nogal erg, ek is mal oor Fb en blog, en my liewe man hoor maar net van hierdie vreemde goed met vreemde mense. Hy is van die ou soort, wat niks weet (of eintlik WIL weet), van rekenaars nie.
LikeLike
boerinballingskap said:
Ek mis steeds die punt van twitter. Klink vir my na ‘n glorified mixit. Maar nou-ja, miskien is dit maar net die generasie-gaping wat inskop. 🙂
LikeLike
MaanKind said:
Mxit is darem gesels, vir my is Twitter absoluut eenrigting, maar dalk weet ek net nie hoe dit werk nie.
LikeLike
pienkpantoffels said:
Ek is self ook nie baie mal oor Twitter nie. Ek vergeet gewoonlik om daar in te log – verkies beslis Facebook en my eerste liefde – blogging 😀
LikeLike
MaanKind said:
Klink my ons koppe werk nog dieselfde! (Ek is so bly oor jou suster, laat weet wat gebeur)
LikeLike
Stephni Fogwill said:
Ek gebruik Twitter vir tydige inligting soos wat dinge gebeur (ek het bv die Malema haatspraak saak so gevolg), verwysings na artikels waarin ek belangstel en kort stukkies humor. Dis ook vir my interessant om te sien wat ander mense regtig dink (waar gaan ek nou ‘n ANCYL opinie hoor in die woonbuurte v Pretoria?) Ek moet net baie versigtig wees om nie te veel tyd te verloor daar nie maar dit geld vir ander sosiale media ook.
LikeLike
MaanKind said:
Ja, dit klink nogal of dit sal werk, as jy iets spesifieks wil volg.
LikeLike
thestonemaidendiaries said:
Ek verkies blog. Twitter is vir my soos afgejaagde bird droppings.
LikeLike
MaanKind said:
Shoot shoot shoot… En weg in die wind…
LikeLike
wosonki said:
Ek het my bakkiesboek rekening uitgevee, ek het nog nie probeer (of die behoefte gehad) om twitter te gebruik nie. Ek het ook ongeveer 5 keer al probeer om op te hou blog, en elke keer gefaal. Ek reken dit is ‘n teken. Wat se teken wis ek nie, maar dit is ‘n teken.
LikeLike
MaanKind said:
Ek glo ook aan tekens! Klink gewis vir my ook so. (Hoewel ek mal is oor Facebook)
LikeLike
Son said:
Twitter se aantal karakters is heeltemal te min vir wat ek soms daar wil kwytraak. Dan los ek dit sommer. Ek sal nie maklik ophou blog nie – nee, korreksie, ek dink nie ek salooit heeltemal ophou blog nie, ek is te lief vir skryf.
Daar is te veel plekke waar dit deesdae net om “instant gratification” gaan. Uiteindelik brand dit uit. 👿
LikeLike
MaanKind said:
En by Twitter kry mens nie die kwaliteit gesels nie. DIt lyk vir my vreeslik deurmekaar. Anders ‘get’ ek dit nie.
LikeLike