Dis wat ons elke aand vir mekaar sê. Lekker slaap. ‘n Lekker vet soen en ‘n druk en ‘n rugvryf. My aandroetine is lekker snoesig. Warm bad, lekker flennies, sagte warm japon tot ons bed toe gaan. Regskik tussen die lekker kussings, laken om die duvet vou, die lepel regskuiwe en salige nagstilte. Die een met die koudste voete moet die ander se voete warm lê. En wat gebeur dan?
Salige slaap? Beslis, maar vir hoe lank?
Party aande vlieg ek lekker in my drome. My drome is altyd vivid. En meestal lucid. Meermale dwing ek myself uit ‘n droom uit, I mean really, die dinge wat darem in my kop woon kan ek soms selfs nie glo nie! Dan WIL ek myself wakker, en dan moet my kop weer afskakel.
Dis dán wat ek begrip het vir my vriende se Facebook statusse wat elke dag min of meer só lyk:
- Wens ek kan ook slaap as ek my oe toemaak soos ander mense !
- …knitting the night away…♥
- Insomnia is soos n luislang. Dit pers jou saam en reduseer jou tot n onfunksionele drelsel die volgende dag, ek ly al jare daaraan
Ons het nou al alles gedoen, drink nie meer tee in die aande nie, nie te veel koffie deur die dag nie, geen swaar kos of soetgoed na 6 nie (OK gewoonlik nie…), gaan nie te vroeg kamer toe nie, maar helaas.
Skielik wonder ek toe mos gister, watter rol speel al die elektronika en batterye om mens? Langs my kop lê my Kindle en my BlackBerry, net buite ons kamer in ons studio is daar ‘n magdom liggies, al is alles afgeskakel. Eke toestel wat kan speel, klank of prent voortbring, rekenaar, modem, splittterboxe, fax, oral gloei daar ietsie. Hoeveel strome en energieladings trek deur ons koppe, as ons probeer slaap?
Geen wonder ek het onderstebo gevlieg gisteraand nie!
PS: Van elektronika gepraat! Viersprong is ook nou as eBoek beskikbaar by Amazon! Gaan kyk HIER. Skrywers Anel Heydenreych, Annemari Coetser, Nadia de Kock en Trisa Hugo se verhale oor rare vriendskappe, weerlose mense, die reislus, die baie vorms van liefde, keuses wat gemaak word en vrede wat gevind word.
Pingback: Die pleb in my ontbloot … « Dellie se Dinge
MaanKind said:
Eish man, ek het vakansiekinders hier wat maak dat ek niks tyd het nie, maar nou ja, ek is pleb genoeg dat ek maklik gou ‘n paar sal kan bymekaarskraap…
LikeLike
Flintie Stone said:
Lekker slaap!!
LikeLike
MaanKind said:
Dankie, ek is juis moeg…
LikeLike
lidiatheron said:
Ek is net so gelukkig. Raak feitlik onmiddellik aan die slaap en slaap soos ‘n klip. Net wanneer ek diep depressief is, lê ek in die vroëe oggendure wakker. Gelukkig is dit nou onder beheer.
LikeLike
MaanKind said:
Ek het altyd gesê ek slaap soos ‘n baba. Maar babas slaap slég! Ek kan nie regtig kla nie, my brein moet net bietjie afskakel.
LikeLike
theonlycin said:
Niks word hier afgesit nie. Ek slaap nooit werklik nie, my man se ek ‘pop off for naps’. Ek was al van kleins af so en het geleer om myself om gelukkig te beskou; I have more hours in my day than other people.
LikeLike
thestonemaidendiaries said:
Ek kom ook met die minimum slaap klaar. Die lewe is te kort om te veel te slaap.
My insomnia so 2-3 keer per jaar is siklies, en hou gewoonlik tussen 7-10 nagte in ‘n ry aan. Ek dink my brein reset of iets,lol.
LikeLike
theonlycin said:
As the old saying goes ‘you’re a long time dead …’
LikeLike
thestonemaidendiaries said:
Is ja! lol
LikeLike
MaanKind said:
Reset! Ek was mal oor jou inskrywing van vanoggend, gaan nou eers weer lees.
LikeLike
thestonemaidendiaries said:
Het jy gesien wat ek jou daar geantwoord het? En nou is dit jou beurt om daardie wonderlike gifts van jou meer te van vertel.xx
LikeLike
MaanKind said:
Nee, nie gesien nie? Sal nou gaan loer. Ek het vreeslik min tyd hierdie week, die kinders wat kuier is groot, maar ek is konstant aan die kook/bak/was om hulle skoon en vol te hou. Ons ry baie rond daarby.
LikeLike
MaanKind said:
Jou kop is so besig met al die projekte, jy kan nie nog slaap ook nie! Ek was vanoggend by jou viskoekies, en toe moes ek restart, toe verdwyn alles. Gaan nou eers weer drool daar.
LikeLike
Jeanne said:
Ek het volgens Modi die ander aand vir hom my 4 jarige se kunswedstryd gediggie opgese in my slaap.
“Knor my ou katjie
sit op ‘n matjie
met sy ou voetjie
was hy sy snoetjie”
Hy het gedink dis vrek snaaks.
As ek eers slaap, dan slaap ek, maar om aan die slaap te raak is nie altyd maklik nie.
Hou duimvas. ‘n Pel van my vlieg vandag Hong Kong toe. As alles goed gaan kom hy terug met ‘n ……….
KINDLE.
VIR MY.
En die eerste boek wat ek dan aflaai is joune s’n!
x
LikeLike
MaanKind said:
Tipies jy, jou drama queen! Om ‘n resitasietjie op te sê. Nogal. Ek mompel glo vreeslik as ek slaappraat! Ons susters en kinders het net vanoggend oor slaaploop en slaappraat gesels. En ja, en doen helaas beide! Stap darem nie meer so baie nie, maar doen nog steeds soms.
LikeLike
Jeanne said:
Hy se nogal ek het my drama graad mooi “justice” gedoen daar 😉
Maar nou regtig, ‘n 4 jarige se resitasie????? What was I thinking???
Gelukkig het ek ophou loop in my slaap, maar ek praat baie en DUIDELIK.
Ek lag ook (so uit my maag uit), tjank (snot en trane) en so nou en dan skop en slaan ek.
Modi kry min slaap langs my, maar ek weet van NIKS!
LikeLike
Xena Phoenix said:
Ek is seker dan nog gelukkig. Wanneer ek slaap, slaap ek. Ek hol gewoonlik die koerant en blogs deur voordat ek ernstig gaan slaap. Dan sit ek die selfoon neer, draai my om en weg.
LikeLike
MaanKind said:
Toe ek jonger was, het ek ook so geslaap! Ek wens dit was nog so.
LikeLike