Dellie het nou vir my werk uitgedeel, en dit terwyl ons tiener kleinkind en sy jong vriend hier kuier. Om twee 17-jariges gevoed, ge-entertain en skoon gekleed te hou, neem tyd… Maar hulle kuier sluit sommer aan by die opdrag, om die pleb in my te ontbloot.
Eerstens, as ek kinders of kleinkinders op die lughawe gaan haal, storm ek hulle en druk en soen, tot almal se ontsteltenis en diepe skaamte. Ek het ook al ‘n foto geneem soos ‘n kind aankom, maar moes sweer dat ek nooit weer sal nie…
Dan kyk hulle af en sien my rooi Crocs… En skaam hulle verder. Ek hét mooi boots, maar as ek ver moet loop, en dit sluit lughawens in, dra ek my rooi Crocs. Met sokkies.
Soos Dellie, drink ek bier uit ‘n bottel. Black Label. En so fakeen what? Dis vir my die lekkerste. Ons bly twee blokke van die strand af, en dis lekker om op ‘n mooi dag af te stap en op die dek by die restaurant daar te sit met ‘n bier. Uit ‘n bottel. Dan bestel ons een groot bord chips, en eet dit met ons hande. En ons dip elke chip in ‘n bol tamatiesous.
Ek dra geen grimering, behalwe ordentlike onderlaag nie. Probleme met my oë is nou ‘n handige verskoning, ek het nog nooit van ooggrimering en maskara gehou nie. My hare begin grys strepe maak, en dis myne. Na al die jare se gekleurdery, besef ek nou eers ek hóú van my natuurlike haarkleur.
Daar is nog baie dinge wat die lagie vernis op my laat deurskyn, maar hoe ouer ek word, hoe minder gee ek om wat wie dink. Ek doen wat vir my lekker is, waar en wanneer ek wil.
Dis maar eintlik die bottomline. En as dit van my ‘n pleb maak, aangename kennis! Ons is maar almal eintlik net bloed en bene…
Nou kan Murphy vir ons wys waarvan sy aanmekaargesit is!
MaanKind 
Nou wonder ek, ek dink die eerste en laaste paar hoe hak skoene wat ek gehad het, was in St. 6 om met so verspotte leer romp saam gedra te word, wat tot my hogere onsteltenis net onder die knie was. en dan is ek aangeraai om die beige geHIEKELDE bloesie by my hoer-skoene en ver te lank om cool te wees romp aan te trek.
Toe jare later haal my weeklikse kuiers met ortodokse Jode ALLE maar Alle belang in ‘n ge-OpToffie uit my uit. Daai mense kyk jou reg verby al jou Shine en as jou binneste nie optel na ‘n sommetjie wat die moeite werd is om te doen nie … dan se hulle vir jou “Wees ‘n mens, nie ‘n kak mens nie, net ‘n mens” en dan help allerhande fancy klere jou net mooi niks.
Ons is wie ons is, en as ons nie ons self is nie, dan raak ons bitterlik die pad byster, en ons maak net ons self deurmekaar, en dan wonder ons hoekom is ons nie meer Happy nie. Ek hou van die woord Happy. En ek is Happy
LikeLike
Dis lekker as mens daardie ding so jonk al kan leer. Dit het my bietjie langer gevat.
LikeLike
Die lewe raak nou te kort om te veel te worry oor wat ander mense dink. Ek dink dit is wonderlik as iemand net hulleself is, en hulle lewe geniet. Ons is elkeen uniek gemaak, hoekom moet ons carbon copies van iemand anders probeer wees? Mooi blog, wat van diepe wysheid getuig!
LikeLike
As dinge bietjie stiller is, kom ek behoorlik na al jou foto’s kyk.
LikeLike
Ek kon nog nooit die bohaai van die bottel sien nie. Niemand kyk twee keer as jy water net so uit jou Valpre Botteltjie sluk nie, so wat is fout met jou drankie. Ek hou niks van bier nie.
LikeLike
Ek probeer inskryf op jou blog sodat ek notification kry as jy iets opsit, maar kry nie plek nie!
LikeLike
EK het nou die die subscription ge-add. 🙂
LikeLike
Ek dink jy het dit hierin saamgevat ” Ek doen wat vir my lekker is….”
Basta met die res en wat ander dink en sê – die lewe is te kort om uit te mis op dinge wat vir jouself lekker is.
LikeLike
Presies. En dis soveel makliker om net NEE te sê as ek iets nie wil doen nie. Soos my 3-jarige kleindogter sê, Ouma, ek WHUL nie!
LikeLike
Ja wat, ek is ook maar plebiaans. Ek hou niks van ‘n aansitterigheid nie. Ek drink nie bier nie, maar melk uit ‘n bottel … hemels! En ek drink nie suur kiewe trek wyn nie, ek laaik st Claire Rose.
LikeLike
Ek drink weer nie rooiwyn nie, ten spyte van wat almal dink en sê
LikeLike
Met my paar plat knobbel pote dra ek ook maar deesdae wat gerieflik sit as ek ver moet stap.
Die bier sal ek nou nooit net so uit die bottel uitdrink nie, vir die eenvoudige rede dat ek niks van bier hou nie, hetsy in ‘n glas of ‘n bottel.Maar jy moet my sien met daardie laaste bietjies van ‘n steri-stumpie tjokmelkie. Ek skeer die tinfoil af, en steek ‘n vinger in om die laaste bits uittekry,lol. Hoes daai vir sommer net so!(ag en hier kry mens nie eers steri stumpy nie, en nou is ek lus vir een)
LikeLike
Kyk, as ons kom kuier, kan ek baie dinge bring, maar defnitief reis ‘n steri stumpi nie saam nie!
LikeLike
But I want one! *stamp stamp voetjie so*lol.xx
LikeLike
In ruil vir bietjie geel Frutips Fruit Gums… Wie weet…
LikeLike
Dit sal lumpy cottage cheese wees teen die tyd wat jy hier land. Dis o.k,lol, sal jou Bookers toe neem, ons het ‘n kaart by hulle dan kan ons vir jou ‘n hele boks vol kry.( Dis soos Trade Centre amper)
LikeLike
Ag ek het klaar geskryf!
LikeLike
Loooove it! En ja, daar is net EEN ordentlike bier, en dis Black Label! Whoohoo!
LikeLike
En vroeër jare sou ek my skaam. En maar die glas vat ook. EN sit en kyk hoe ‘n kelner al die skuim uitgooi. Nie meer nie!
LikeLike
Ek laaik. Ek dink ons het maar binne in ons almal ‘n pleb wat brand om uit tekom. Ek het myne laat uitkom. Want, afterall, vir wie moet ons probeer beindruk?
Ek vind dit lankal nie meer nodig nie. Aan wie wil jy nog bewys jy kan dit of dat doen? Jy weet mos jy kan and ‘does it really matter’? Ons weet mos hoeveel dinge ons al beproef het, suksesvol daarby.
Ons kan grand wees, as dit moet, ons weet dit. Maar, maak dit saak? Not a sokkie. Vir die jare wat oorbly wil ek ook net wees wie ek is. As jy nie so van my hou nie, hou maar verby.
Dus, MaanKind, maak wat jy wil, dis lekker.
LikeLike
Appelsous vir jou!
LikeLike
Die dat ek seg, aangename kennis… Ja, jy is reg, ons kán grand wees. En raai wat, hoe meer jouself jy is, hoe meer sien mens die regte jy, die siel wat deurkom.
LikeLike