Tags
Doodles, notas, krap – noem dit wat jy wil. Maar krap, krap ek. En hoeveel maal verstaan ek nie ‘n woord daarvan agterna nie. (Hier het ek ook oor ‘n gekrap in die nag geskryf)
Terwyl ek nou lekker speel met my nuwe projek, vind die liewe MaanMan dit mos goed om ‘n meubelstuk te skuif in die huis. Julle ken mos daardie kannetjie wurms. Jy skuif een tafeltjie soontoe, dan maak dit plek vir iets anders, en dan is hierdie werkstafel van jou in die pad, en kom ons skuif jou naaimasjie se tafeltjie, en wat van ons gebruik daardie telefoontafeltjie daarvoor. En voor ek my oë uitvee, dan is Casa Maan in rep en roer en kaste word uitgepak en bakke word geskuif en die wurms peul oral heen en die blik wil nie weer toe nie.
Met die skuif van die telefoontafel, ontdek ek toe twee ou telefoonboekies met nommers in. Mens gebruik mos nie meer daardie voosgevatte boekies nie.
Die scary deel is die hordes nommers wat nou irrelant is, mense wat getrek het, vriende wat dood is en nou net via my gedagte-lyn gekontak kan word. Een van hierdie het selfs sy handtekening as getuie agtergelaat agterin by XYZ. (Eintlik wil ek nie aan hom dink nie, hy het my hartsvriendin en homself doodgeskiet)
Dit voel soos ‘n deel van my geskiedenis wat ek nou weggooi. Gaan ons kleinkinders nie eendag dankbaar wees as mens so ietsie gehou het van hoe kommunikasie was nie? Daar is so baie dingetjies wat ek graag sou wou bêre dat hulle kan sien hoe ons gelewe het, maar ek is bevrees dis net ‘n verskoning om weer vas te klou aan iets. Om op te gaar.
Gooi uit! Maak skoon! Word self emosioneel skoon in die proses…
Olga said:
ek is ook n eekhoring. Mens moet gou en ver uitgooi. Voordat jy geheg raak of waarde heg. Ek bere n nr 8 jeans nou al 10 jaar lank. Asof k weer daarin sal pas. raak of waarde heg. Ek bere n nr 8 jeans nou al 10 jaar lank. Asof k weer daarin sal pas.
LikeLike
MaanKind said:
Hey, ek het hierdie jaar weer die no 12 wat al 3 jaar in my kas lê aan my bas… Nou vir daardie Levi wat al 15 jaar hang…
LikeLike
Bileam se Donkie said:
Ek het die opskrif nou in Afrikaans gelees: Dood- les… Die Engels klink toe baie beter…
LikeLike
Son said:
Darem bly om te sien ek was nie die enigste een wat so verkeerd gelees het nie 😆
LikeLike
Bileam se Donkie said:
My dood-les: ek wil graag voluit lewe voor die tyd… 🙂
Doodles, gooi so gou as moontlik weg. In elk geval dié wat nie in die Familie se kronieke kom nie…
LikeLike
MaanKind said:
As jy by my lees, moet jy maar weer jy moet fyntrap!
LikeLike
Son said:
Ek hou nie sommer dinge nie, het al leer lig reis in die lewe. MAAR… ek het een plastiese trollie, so ‘n langerige een, omtrent 1 m x 1 m, met ‘n deksel. En daarin bêre ek die stukkies van my lewe wat ek nie wil vergeet / weggooi nie. Telefoonboekies, sertifikate, foto’s, koerantberigte, briewe et al. You name it. Eendag sal my kinders ‘n fees van memories hê as ek dood is en hulle deur my trollie moet gaan 🙂
LikeLike
slakkelak said:
Ek dink jou trollie klink na ‘n gawe idee. Ek kan my voorstel hoe my nuuskierige (toekomstige) kleinkinders in Ouma se trollie gaan krap…
LikeLike
MaanKind said:
WELKOM, Slakkelak! EK sien báie uit na jou blog! Ek lag al by voorbaat, oor hoe die kleinkinders gaan koppe skud oor ons trollies. Ek wonder of hulle sal verstaan?
LikeLike
MaanKind said:
Son! Ek haal NOU daardie telefoonboekie uit die snippermandjie! Jy is ‘n slegte invloed.
LikeLike
pienkpantoffels said:
Mens moet maar goedjies bêre vir die volgende geslag. Blog is ook bêre 🙂
LikeLike
MaanKind said:
Maar die DELETE knoppie sit te naby… Maar dis ook maar net soos skoonmaak en weggooi.
LikeLike
tandula said:
Paulo Coelho
When in doubt, just take the next step and don’t look back
LikeLike
MaanKind said:
Paulo Coelho is reg, maar my wergawe is makliker.
When in doubt, it’s out.
LikeLike
theonlycin said:
Ek kan dit nog nie uitgooi nie …
LikeLike
MaanKind said:
Maar gebruik jy dit?
LikeLike