HerrieMerrie vra oor iets baie na aan my. Iets kosbaars. My kontak met ‘n ander dimensie. So het ek voorheen daaroor geskryf:
Hoe ver onthou jy terug? In my geval is dit baie ver terug. My eerste herinneringe, of seker eerder gewaarwordinge, was ek seker so 9 maande oud, ek onthou hoe ek so hande-viervoet gekruip het omdat die grond my kniegies seergemaak het, en ek modder geëet het in ‘n slootjie langs die huis. Ek onthou ook dat ek regop gesit en huil het en dat my ma my kom optel het. Is dit vreemd dat ek onthou dat ek bang was toe sy my opgeswaai het op haar heup?
1958 – Op ouderdom twee ek my nefie Wicus se dood voorspel. ‘Voorbodes’ en ‘met die helm gebore’ was terme wat ek van kleins af geken het, soos wat ons die grootmense afgeluister het, maar niemand het ooit vir my gesê dat ek self ‘met die helm gebore’ is nie.
Klaarblyklik het ek so ʼn week voor sy dood vir my ma gesê dat hulle Wicus in ʼn wit kassie gaan sit. Hulle het eers weer daaraan gedink toe die outjie die volgende week binne ʼn dag siek geword, totaal ontwater en gesterf het. Hy is toe inderdaad in ʼn wit kissie begrawe. Ek was twee jaar en drie maande oud.
My eerste ervaring van ʼn Engel was so werklik dat ek nie eers enige onraad vermoed het nie.
My mangels is op 5-jarige ouderdom uitgehaal, en my blindederm ʼn jaar of drie later. Brits Hospitaal se kamers het op die straat uitgekyk waar al die kinders verby ry op hulle fietse op pad skool toe. Beide kere was vir my die wonderlikste gesig om daar te lê en te kyk na die laggende kinders wat met sterk bene hulle fietse trap, die meisies se bene blink in die son. Ek was nog klein, maar ek het ʼn fiets met my hele hart begeer, en kon nie glo dat die kinders wat in die dorp woon sommer net so op hulle fietse ry, asof dit maar net niks is nie! Na 50 jaar sien ek steeds die prentjie voor my geestesoog.
Mangels het net een ding beteken – roomys! Al die kinders wat al in die hospitaal was om hulle mangels te laat uithaal, het roomys gekry, en dit was die eerste ding wat ek ook gevra het toe ek my oë oopgemaak het.
Ek kan ook onthou dat my goot niggie, Nelie, kom inloer het. Sy het vir my ʼn groot, sagte malvalekker gebring.
Alhoewel ek maar net vyf jaar oud was, was ek niks bang om alleen by die hospitaal te bly nie. Die verpleegsters was nie besonder gaaf nie, maar daar het die hele tyd ʼn ou tannie op die voetenend van my bed gesit. Sy het ʼn swart crépe rok aangehad, en so ʼn klein swartrandhoedjie. Sy was kleinerig met so ʼn sagte gesiggie, die ene plooie. Sy het nooit ʼn woord gesê nie, net vriendelik geglimlag as ek na haar kyk.
Ek was nogal verbaas toe ek agterna hoor dat niemand die tannie daar gesien het nie, sy het dan die hele tyd by my gesit. Net so het ek dit glad nie vreemd gevind dat sy buite besoekure daar was nie, of dat sy nie ʼn woord gepraat het nie, of dat die verpleegsters hulle ook nie aan haar gesteur het nie!
Mariet said:
More Maankind,
My seuntjie is nou amper 2 en ‘n half jaar oud. So 2 jaar voordat hy gebore is, is my oupa aan my pa se kant oorlede. Toe my baba gebore was, het almal gesê dat hy nes sy oupa grootjie lyk wat dood is. (Ek weet nou nie hoe het my oupa gelyk toe hy ‘n baba was nie). My seuntjie het altyd sommer vir niks in ‘n sekere plek op die dag gestaar en in sy babataal begin gesels en lag. ‘n Vriendin van my het my huis kom salf (ons het ‘n baie stresvolle tyd vanaf sy geboorte met hom) want ek het gedink dat iemand (soos my man se eks) dalk ‘n spel op ons gesit het of iets dat al hierdie slegte goed met ons en my baba gebeur. Ons het in Februarie 2018 in ‘n nuwe meenthuis ingetrek en ek het toe vir baba en sy boetie (my stiefseun bly elke tweede week by ons) die groot kamer met die on-suite badkamer gegee en ek en pappa in die ander kamer. Die heeltyd was my kleintjie bang om in daardie kamer te slaap of om in die aande in die kamer in te gaan. Ek het toe die Bybel op PS. 23 oopgemaak en op ‘n floating shelf in sy kamer gesit. Een aand toe ons buite saam vriende braai, kom my kleintjie na sy pa toe en sê vir hom daar’s ‘n monster in sy kamer, presies waar die Bybel ooplê (reg bo dit). Dit was nie die eerste keer nie. Hy wou glad nie slaap nie, ek moet in die aande saam met hom in sy bed slaap. Die volgende dag het ons besluit om die seuns in die ander kamer te sit en ek en pappa trek na die main kamer toe. Alhoewel hy nou nie bang is om in hulle nuwe kamer in te gaan nie, moet ek nogsteeds by hom slaap. Die laaste ruk begin hy te praat van “die oom” wat in die huis is. My oom (peetpa) (my pa se broer) aan wie ek baie close was, is in September 2017 op ‘n jong ouderdom aan pankreas kanker oorlede. Ons almal was ‘n hele naweek lank langs sy sterfbed en hy het ook heeltyd aangedring om my seuntjie te sien. Hy was baie deurmekaar, kon nie meer ons name onthou nie, maar my seun se naam het hy heeltyd gesê. Ek het toe my seun na hom toe gevat sodat hy hom so bietjie kan vashou. Hy is toe op 10 September 2017 oorlede. Nou weet ek nie of “die oom” waarvan my seun so praat my oupa of my oom is nie. Soos ek sê, hys nie bang vir “die oom” nie, vir die monster in sy vorige kamer by die Bybel was hy voor bang, maar nie vir “die oom” nie. Hy wys ons al tot even waar “die oom” staan of sit in die huis. Wat dink jy? Moet ek weer my vriendin kry om my huis te kom salf? As dit my oupa of oom is wat daar is, is dit fine. Hulle is altyd welkom. Ek sal jou input baie waardeer. Dankie en lekker dag!
LikeLiked by 1 person
MaanKind said:
As ek maar die antwoorde gehad het, Mariet! Solank niemand skade kry of vreesbevange isnie, die kleintjie tevrede is, is alles reg. Moedig hom dalk aan om vir die oom te vra wat maak hy daar?
LikeLiked by 1 person
Christene said:
Hi…
Wil net weet,ek skryf my drome neer die wat my bly pla na ek opstaan.
My Stiefpa was al oorlede toe droom ek dat hy na my toe kom en ek huis verskirklik…en hy se nee hy is nie hier om vir my te kom haall maar my man…
2de droom n week daarna…droom my ma is oorlede en dat my suster my n gouehorlosie gee met n no op…..en ek is so ontsteld….so 2m daarna is my man oorlede my suster het af gekom en my n gouehorlosie kom gee maar ek dit tot vandagtoe nog nooit gebruik maar het dit nog en dis 10j terug.
Party maal sal ek iets droom….dan sal iets soorts gelyk gebeur..Ek het een maal gedroom my oorledeman roep my so hard dat ek wakker skrik…toe staan ek op en sit hele huis se ligte aan net om later die oggend te sien dat iemand my hek se slot af gehaal het en hek half oop is..
Die slegste wat ek al oor gekom het was n paar jaar terug toe ek by n plek beging werk en toe ek aan een van die kinders raak toe begin ek somer te huil vir geen rede…
Wat dink jy…
LikeLiked by 1 person
MaanKind said:
Jy is net baie in tune met jouself en die Universe. Dis wonderlik. Dis min mense beskore. Nie maklik nie, ek weet.
LikeLiked by 1 person
Christene said:
Ja ek stem dit is nogal nie maklik want hoe verduidelik mens dit as mens ietstoevalig voor af doen voor jy gevra is om dit te doen…wens net ek kan weet hoe om my drome te verstaan…
Maar baie dankie vir jou antwoord..
LikeLiked by 1 person
MaanKind said:
Ek het onlangs ‘n stuk oor drome geskryf, kyk of jy dit kan kry.
LikeLiked by 1 person
Arthur said:
Ek wil graag weet hoe om die gawe positief te gebruik.ek het my suster gesien dieselfde aand na haar dood.Daarna my oom en twee neefs maar kon hulle ni herken nie aangesien ek hulle jare laas gesien het.Twee weke daarna was ek by n begrafnis van my oom en sy twee seuns,ek het nogsteeds niks vermoed of agtergekom van die 3 wat ek gesien het nie.n Paar maande later weer dieselfde gevoel gehad en vir my n glas water gaan ingooi en weer iemand by kombuis venster gesien wat ek ni herken het nie en twee weke daarna was ek by n begrafnis waar ek die persoon herken het op n foto op een van die begrafnis pamflette.Met my skoonsuster se miskraam-sy het n hele 8 maande gedra-het ek n pasgebore baba se gehuil gehoor net ure voor sy hospitaal toe gegaan het.ek het die dag toe my seun gebore was (5 weke pre-mature) vir my vrou gesê die kind kom daardie dag-ek het duidelik iets gehoor vroeëer wat geklink het soos n vrou wat druk om geboorte te gee.Ek het my vriend se ongeluk gesien twee weke voor dit gebeur het en hom vertel van wat ek gesien het-sy ongeluk het so gebeur soos ek gesê het maar ek het nie geweet dat dit hy sou wees toe ek hom vertel het ni.hy het dit oorleef.Ek het lanklaas iets gesien,gehoor of geruik (rooigrond,hospitaal) en sal graag wou weet hoe om diê terug te kry en om te weet hoe om dit positief te gebruik
LikeLiked by 1 person
MaanKind said:
Die enigste manier wat ek kan voorstel, is bloot om positief daaraan te dink as ‘n gawe en nie ‘n kruis nie. Ongelukkig is hierdie tipe goed nie soos iets op aanvraag nie. Jy sien wat jy sien, wanneer jy dit sien, om daarna nooit weer te vergeet nie. En nooit bang te wees of aandadig te voel nie, dit te verwelkom wanneer dit kom.
LikeLike
jaun pierre said:
Ek wil net weet ek is onder di helm gebore en my ma ht my nooit gewas met di helm ni en ek wil weet kan jy dit uit jou uit groei want ek sien glad nie meer spoke nie of raak en hoor nie
LikeLike
MaanKind said:
Jy kan dit ontgroei ja.
LikeLike
Alet Jones said:
Ek is gebore met die helm, vir jare het ek nare drome gedroom, dinge het waar geword, toe gaan dit weg, nou skielik droom ek weer, soos laasnag 11 uur, gedroom van ek moet n strooimeisie wees, maar weet nie wie is die bruid nie, sewe uur vanoggend het ek n boodskap gekry dat n vriend 11 uur laasnag oorlede is. dit is ontstellend vir my, ek kry angsaanvalle, wat kan ek doen om dit weg te kry uit my lewe uit
LikeLike
Alet Jones said:
ek is met die helm gebore, my ma het my vertel dat sy dit op haar laat plaas het, ek het baie kere n gevoel gekry toe ek jonk was, geweet dat iemand sou doodgaan, maar nie geweet wie nie, toe verdwyn dit en nou ervaar ek dit weer! laasnag juis n droom gehad, opgestres vanoggend, weet nie wie nie……………………..
LikeLike
MaanKind said:
Sterkte! Laat weet wat het gebeur.
LikeLike
GOD'S WORRIOR said:
Ek wil graag weet as I mens daaruit gegroei het kan I mens di gawe weer trug kry , en as dit so is hoe doen ek dit , ek voel veiliger as ek geeste demone en engele om m kan sien , wand dan weet ek wat is om my
LikeLike
rene said:
my dogtertjie is nu 4jaar oud as ons by dam is sal sy se mamma pappa god gaan nu laat die vissie byt nie eers 2 min later nie byte die visse . sy gaan staan by vreemde mense praat nie met hule nie . sy gaan staan en kom daa=delik trug na my toe en se iets soos god gaanna hule kyk hule gaan nie dood gaan nie en as j in komtak kom met die persoon dan vertel hule hu hule by die doktermoet kom vir n seker siekte . sy staan paartykeer aleen op een ple en kyk na bo en praat in n taal wat ons nie verstaan nie wat beteking die asb ek wil uit vind wat dit is
LikeLike
MaanKind said:
Dit is wonderlik as so ‘n kleintjie dit doen, moet haar asseblief nie ontmoedig nie. Kleintjies is nogal in touch met alles, en mens moet na hulle luister. Vra haar uit as jy kan as sy sulke dinge sê, of Boontoe praat, en laat weet my asseblief wat sy sê, al klink dit vir jou hoe snaaks. Kyk wat sê my kleinkind: https://maankind.wordpress.com/2014/07/09/ons-is-almal-sterre/
LikeLike
MaanKind said:
Jy het ‘n baie spesiale kind. Jy is baie welkom om vir my te skryf wat sy sê by trisa@icon.co.za
LikeLike
Anoniem said:
My man is met die helm gebore hy sien geeste, praat gereeld met sy ouma ek kan haar nie sien nie dus slaap ek vas nag vd 19de jan sorg ek dat ek wakker is dan verjaar sy dan verskyn sy nie aan hom nie. Hy het al vor liewe jesus gesien hyt aan hom verskyn en vir hom gese dis amper einde vd wereld ek dink hyt gese 2021 is dit die einde vd wereld dan gaan ons openbaring se laaste boek beleef die wat oor is gaan in bv in voeltjies verander ander vorm te voorskyn kom wel hy kan geeste oral sien in my ma se huis ook sy weet nie daarvan nie haar skoonma my ouma dwaal ok in haar huis rond wel ek weet nie wat om te doen nie hy vertel my interesante stories v hoe sy ouma hom nog aan die lewe hou ter wille v sy drie kinderrs en vrou, hul is nog baie klein 1#r tot vyf jaar 2009; 2011 en 2013 gebore hy was paar keer amper weg waar engele voor hom staan en sing en se dis nog nie sy tyd ne
LikeLiked by 1 person
theo said:
………………………………………..kan dit weg gevat word as kind en terug kom as ons ouer word
LikeLike
MaanKind said:
Ek is seker jy kan dit onderdruk en dat dit later kan terugkom. Waarom vra jy?
LikeLike
Hanriette Henn said:
Sjoe!
LikeLike
ononiem said:
My tante is gebore met die helm … Toe bid sy dat God die Vader Jesus dit weg vat en van daar af het sy baie begin siek word en sy is vir 7 jaar elke dag van haar lewe nou al siek
LikeLike
karen said:
My seun is in 1987 gebore met ‘n wit vlies oor sy kop. Die verpleegster het die dr gevra of sy dit van voor of van agter af moes verwyder. Dit is van agter na voor afgetrek. Hy was so 7 jaar oud dat hy nagmerries begin kry het. Vreemde mense (demone) het hom geteister in die nag en hom geroep. Op hoerskool het dit gestop. (Lang storie). Paar weke terug het hy sy werk gese hy gaan nie in nie want sy broer is in hospitaal (leuen). Hy verloor sy werk, en sy boetie het verlede week in hospitaal beland agv besering by werk.
Is hy met die helm gebore? Ek wil so gou moontlik weet asseblief. Baie dankie
LikeLike
MaanKind said:
Ek het ongelukkig geen kennis van sulke vliese nie. Miskien moet jy ‘n vroedvrou of dokter vra?
LikeLike
Karen said:
Maar is die vlies nie die helm nie?
LikeLike
MaanKind said:
Ek het geen idee nie. Dit is ‘n uitdrukking wat die oumense gebruik het.
LikeLike
Anonymous said:
Begin weer praat hieroor, ek kan i mens sien vir wat hy is voor ek hom ken, en daai klein gawe maak my i lelike mens.
LikeLike
MaanKind said:
Dan gaan dit dalk oor ‘n boodskap oor Judgemental wees?
LikeLike
Marlize said:
Ek is met die helm gebore en het ook my neef se dood beleef voor enige iemand geweet het,ek verwyd my self omdat ek hom nie gese het en gekeer het dat hy moes dood gaan nie. Ek wil net weet wat moet ek doen om die verwyt weg te vat? Ek sien als wat gebeur voor dit gebeur part keer kry dit my nie onder maar ander kere breuk dit my. Kan mens die helm weg vat?
LikeLike
MaanKind said:
Jy kan en mag jouself nie verwyt nie. Dit was sy tyd, daarom het jy die wete vooraf gekry. Niks wat jy sou kon doen, sou dit verhoed nie, dit sou hom net angstig gemaak het. Dit is ‘n ‘gawe’ wat nie altyd maklik is nie, maar so kan jy kans kry om laaste liefdes te betoon, vir oulaas goed te wees vir mense. Ieand het my ook onlangs kom ‘groet’, maar toe nie doodgegaan nie. Dit het my wel kans gegee om die persoon te vergewe vir iets wat hy gedoen het wat my baie seer gemaak het, en ‘n groot invloed op my lewe gehad het. As jy so daarna kyk, is dit ‘n gawe. Sterkte! XXX
LikeLike
toortsie said:
Maak dit jou soms bang?
LikeLike
MaanKind said:
Nie regtig bang nie, maar dis nie altyd lekker as kennis van mense ongevraagd na my toe kom, en ek moet maak of ek nie weet nie. En dan goeters van my naby mense wat ek dalk nie wil weet nie. Of goed wat my angstig maak. So bang? Nee. Lekker? Nie altyd nie.
LikeLike
beforeyoutastethehoney said:
EK IS MET DIE HELMUT GEBORE.EK HET AL BAIE OP MY KOP GEVAL MAAR NIKS OORGEKOM NIE
LikeLike
MaanKind said:
Dis Verskriklik… Dat dit so is…
LikeLike
Lana Wood said:
Ek sien nie, maar weet… bv. as ek ‘n iemand groet dat ek hom nie weer gaan sien nie. Dinge kom nie as ‘n skok nie dis asof ek vooruit weet. Terwyl ek en ‘n vriendin eendag so ry se ek vir haar ‘iets is verkeerd met een van my kinders.’ Ek het nie geweet watter kind nie.. en soos die dae aanstap word die gevoel erger. Twee weke later loop ek die Vrydag op en af in die gang en roep om genade. Die Saterdag spel alles dood. Dit was Juliemaand en bitter koud, ek draai my toe in ‘n kombers, gaan sit in ‘n bondel en smeek, en smeek en smeek by God vir my kind. Wat ek die volgende oomblik gesien en ondervind het, deel ek nie graag nie, maar my kreet moes afgryslik geklink het. Toe kom die grootste kalmte oor my en ek weet die gevaar is verby. ‘n Paar dae later vind ek uit watter kind, en die omstandighede rondom dit alles. Die dag van my eerste gewaarwording is die dag waarop ons seun en sy meisie hulle selfmoord begin beplan het; (Wat hom hiertoe gedryf het is ‘n storie op sy eie.) Hy wou bo-op Hermanus se berg sterf. Die Vrydag (waarop ek so op en af geloop het) kon hy nie meer omgee of hy oppad Kaap toe of bo-op die berg sterf nie, en het soos ‘n besetene Kaap toe gery. Saterdag bo-op die berg stel hulle, hul selfmoordplan in aksie. Wat hierna gebeur het is bo-natuurlik, die genade van God en die krag van gebed in werking. Ek glo dis die Heilige Gees wat in my woon wat besig is om te werk.
LikeLike
MaanKind said:
Ek verstaan, Lana. Dis ‘n vreeslike gawe om te hê. Ek het verlede week so ‘n dag beleef, en my Facebook status was ook, You’re as happy as your saddest child. Die volgende dag het iets met een van my kinders gebeur wat sy as baie traumaties en ongelooflik sad ervaar het. (Die gebeurtenis self gaan uiteindelik vir die beter wees, maar vir haar was dit toe baie treurig)
LikeLike
Son said:
Ek is ook met die helm gebore. Regtig. Maar my ma het my dit eers vertel toe ek al 30 was. Ek voel meer goed aan as wat ek sien, maar ek het nog al die jare ‘n heilige respek vir hierdie gawe. Ek sal nooit deelneem aan seances ensovoorts nie, is baie baie bang om dit te misbruik.
LikeLike
MaanKind said:
Dan weet jy ook, dis nie iets on tap nie, jy kan dit nie aan en afskakel nie. Wel, ek kan nie!
LikeLike
Yolande Esterhuizen said:
Hi ek is ook met di helm gebore ek hti regtig verstaan of dit ernstig kop toe gevat toe my ma my daarvan vertel hti.
Ek is beslis anders as n normale mens en droom en kan kontak maak met my oorledenis en hlle kom praat ook met my en my waarsku teen gevare.Ek kom agter dat hlle my ook beskerm.
X in n hospitaal gebore in Pretoria di dokter water wat in beheer was ht ni di helm aan my ma gegee ni so sy weeti wat met dit gebeur hti.
Ek ht begin dink of di manier van wees ni iets daarmee te doen hti x n baie liefdevolle mens en stel mense se geluk bo myne maar my mood verander by di minut ek raak vol nukke en kani maklik afkoeli dis as of eki beheer kn he oor myself ni maar ek koel self af op my eie tyd .
Ek wonder of ditti iets daarmee te doen hti
My ma en my beste vriendin en ek self glo aan my gebed as ek bid vir iemand word di persoon gesond en selfs as ek bid oor enige iets gebeur dit en di Here wys my dinge wat ek moet sien of doen.
LikeLike
klippie said:
My pa het altyd dinge gesien wat ons nie kon sien nie. Die storie wat my veral bybly is dat hy vertel het dat hy geweet het voordat hy haar geken het hoe die vrou gaan lyk met wie hy sou trou. Hy het ook gesien dat sy besig sou wees om brood te knie en dat daar deegspatsels op haar rok sou wees. Toe hy my ma ontmoet het, was sy besig om brood te knie.
LikeLike
MaanKind said:
Het nie een van julle kinders dit geëerf nie?
LikeLike
Raquel Kriel Lewis said:
Wonderlike gawe tannie. Ek het net ‘n verskriklike sterk sesde sintuig. Ek weet soms goed voor iemand dit vir my vertel of se. Ek tel karaktereienskappe op van mense en het my man altyd gewaarsku. Hy het my nooit geglo nie so nou se ek niks meer nie. Die kinders en die familie wonder nou maar altyd wie skinner by my….hoe ouer ek word hoe sterker word dit.
LikeLike
MaanKind said:
Myne het ook so ontwikkel met die jare. En dit word nou so real, dat ek sekere dinge aanvaar as werklik, en dan soms besef maar ander kon iets nie hoor of sien nie.
LikeLike
Toortsie said:
Ek het ook ‘n fyn waarnemingsvermoë, en “lees” ‘n persoon fyn. Soms voel ek skuldig en dink dat ek goed sien wat nie daar is nie, en dan, dan is dit tog daar….
Maar ek dink dis ‘n gawe van God. Ek weet presies as iemand vir my lieg.
LikeLike
Slakkelak said:
Ons was nou weer telepaties in verbinding vanoggend. Ek het NET vanoggend gedink aan eerste herinneringe en dat ek tog vir Ma moet vra hoe oud ek was toe my handjies gebrand het teen die koolstoof. Dit was die eerste wat ek onthou… ek onthou die kousies wat sy aan my handjies getrek het om die verbandjies toe te maak, en hoe styf en ongemaklik dit was, maar ek onthou nie die seer nie. Net my regterhand het ‘n vae, vae litteteken as herinnering.
Ek sien nie dinge nie. Ek voel soms goed. En ek WEET party goed voor dit gebeur sodat ek kan bid om dit beter te maak. Ek glo dat daardie 6e sintuig die Heilige Gees is wat in my woon.
LikeLike
MaanKind said:
Jy was baie klein, ek onthou die kousies, en ek onthou vaagweg ma het gewonder of sy moet watte instop dat jy minder seer moet kry, maar sy het nie, te bang die vesels klou.
LikeLike
theonlycin said:
Yes, I also have gooseflesh, I’ve had experiences like this too.
LikeLike
thestonemaidendiaries said:
Ditto.Maar die weet jy reeds.
LikeLike
demoerin said:
Ek verstaan van Engele sien ens. maar dit is heeltemal anders as om met afgestorwenes kontak te maak en te dien as iemand anders se medium. Kan jy dit doen?
LikeLike
MaanKind said:
Dis iets wat ek glad nie On Demand kan doen nie.
LikeLike
Annemari Coetser said:
My skoonma het glo hierdie gawe gehad, maar het dit “verloor” toe haar oudste kind gebore is. Ek wonder of dit moontlik is dat dit so kan verdwyn?
LikeLike
MaanKind said:
Ek is seker dit kan so vinnig kom en gaan soos wat jou siel nodig het om dinge te weet/nie te weet nie. Dis SO lekker om jou hier te sien!
LikeLike
Xena Phoenix said:
Vir die rekord – ek sien darem nie ‘n engel vir ‘n dooie aan nie.
LikeLike
Xena Phoenix said:
Genugtig!!! Soos die Turkse Tannie netnou by my gesê het, as ek dan nou met ‘n spook moet praat, beter dit in die hardloop wees. 🙂
Ek het al gehoor dat kleintjies wat dit het, dit dikwels verloor soos hulle ouer raak. Het dit met jou ook gebeur?
LikeLike
MaanKind said:
Nee, dit word sterker soos ek ouer word. Nie altyd maklik nie, maar dis ‘n gawe om te embrace, nie om weg te hardloop van nie.
LikeLike
turksvy said:
Errr…hoendervleis het ek nou. 😯
LikeLike