Het jy al ooit om elke hoek en draai in iets snaaks vasgeloop? Eintlik iets heel doodgewoon, maar op ‘n plek wat jy dit nie sou verwag nie. En dan so snaakse draai op jou maag gekry, omdat jy weet dat dit vir jou ‘n Boodskap van Bo is, en jy moet dit ontsyfer?
Veertjies is seker een van die goed wat meeste mense verbind met ‘n boodskap. Ek kry veertjies as bevestiging van my gedagtes. Hoe suiwerder die gedagte, hoe fyner en witter die veertjie, en hoe vreemder die plek waar ek hom kry. ‘n Sagte gryserige veertjie is ‘n vermaning, en bewaar almal om my die dag as ek ‘n swartetjie kry… Dan loop ek met donker gedagtes in my kop.
MaanMan is nogal bekend onder ons vriende as die man wat die Earbuds kry. Oral waar hy loop, is hulle voor sy voete. Stop ons by Mooiberge om aarbeie te koop, dan lê enetjie voor sy kardeur. Piekniekplekke, onder ‘n boom waar ons op ‘n afgeleë pad parkeer, op pad biblioteek toe, nou die dag glads op die vloer in ‘n klerewinkel, waar hy onwillig saam met my in is. In elke dorp waar ons kom wag daar enetjie voor sy voete. Gaan klouter ons hier onder op die rotse langs die see, kry hy een waar angels fear to tread. ‘n Besonder snaakse plek onlangs was agter die bure se braaiplek (vakansiehuis, geen siel kom daar nie), toe hy ons blinde kat uit hulle boom moes help. Hierdie nommertjie het langs die R43 gewag, mooi op die plek waar hy met sy fiets gestop het vir ‘n sluk water. Dit was so snaaks, dat hy my in die kar gelaai het om te gaan wys. Ek moes dit eenvoudig op film verewig. Wat? Hoe? Hoekom? Hy kry net nie die antwoord nie.
En dan die snaakste een. Bloed. Daar het ‘n paar keer ‘n druppel bloed verskyn waar ek besig was. Eenmaal teen die wit muur voor my oë, waar ek staan en stryk. ‘n Paar maal op ons (wit) teëls. Twee maal spontaan op my vinger (waar geen mes of naald naby was nie, eenmaal op my been terwyl ons in die kar gery het, en een keer op hierdie einste sleutelbord waarop ek sit en tik. Dit verskyn eenvoudig op ‘n plek waar ek besig is. ‘n Groot druppel taai rooi bloed, wat dan bruinerig word na ‘n rukkie. En nee, ek kneus nie maklik nie, ek bloei nie maklik nie en ek drink nie bloedverdunners nie. In fact, die Bloeddienste wil nie eers my bloed hê nie, ek mors glo hulle equipment omdat my bloed stadig loop en die sakkie nie volkom nie. Ek was nogal uitgefreak daaroor, en het Opgevra Boontoe, en die antwoord was bloot: Lewensbloed. Nee toemaar, ek weet ook nie. Dit het darem lanklaas gebeur.
My nuutste een is darem makliker en niks grillerig nie. Rafeltjies, in ‘n sekere vorm gedraai. Pragtige pastelkleure rafeltjies. In boeke. Op die mens se rug wat voor my stap, op ‘n restaurant se tafeldoek, oral kry ek mooi sagte rafeltjies, met so ogie en ‘n spiraal gedraai. Daar was darem nog net een kwaai gekoekte swarte…
Sylvia Browne het ‘n verklaring vir Synchronicities, waar besonder betekenisvolle toevallighede gebeur. Sy reken dit is A secret wink with God, om te bevestig dat jy inderdaad op die regte tyd op die regte plek is.
In Phenomenon sê sy ook: So pause to say thank you for your coincidences, large and small. The’re all snapshots of your immortality, and confirmation that you and your chart are in perfect synch.
Het jy al so iets ervaar?
Enige verklarings welkom…
Pingback: Ek glo! Regtig? | MaanKind
Leeukind said:
veertjies kom gereeld oor my pad. ek glo dis my engele wat met my praat
LikeLike
Pingback: Wat ek glo | MaanKind
Pingback: Is ‘n Veer maar net ‘n Veer? « MaanKind
staaltjies said:
jou toontjies lyk te pragtig !
LikeLike
MaanKind said:
MEnse spot altyd my kort tone, maar ek hou van hulle in die sand. Jou blou naels lyk weer vir my mooi! Tyd dat ek weer my tone bietjie blou verf, ek verf nie my vingernaels nie
LikeLike
hannahbi said:
Ek gaan meer oplettend wees Maankind …
LikeLike
MaanKind said:
Hoe meer mens oplet, hoe meer sien jy!
LikeLike
Son said:
Toe ek jonger was het dit gereeld gebeur dat die foon lui kort na ek aan iemand gedink het en dan is dit daardie persoon aan die anderkant. Nou gebeur dit selde, vandat daar selfone is. Nogal weird.
Ek kry ook gereeld veertjies wat in my huis inwaai of op die stoep rondwaai, hulle is maar meestal gryserig. Lyk my ek het heelwat vermaning nodig 🙂
LikeLike
MaanKind said:
Of jy het maar net bloot duiwe op jou stoep? Dink jy die selfone wat so met torings en seine werk versteur dalk die energie?
LikeLike
Son said:
Eerder kiewiete, hadidas en tarentale! Het nog baie min ‘n duif hier gesien. Dalk is dit kiewiet veertjies 🙂
LikeLike
MaanKind said:
Kiewiete is baie special!
LikeLike
Kameel said:
Behalwe vir die skaars aan iemand gedink, en dan hoor of sien jy hulle kort daarna kan ek aan niks so eienaardig dink soos dit wat jy hier beskryf nie. Soos jy self se dit is WEIRD 😯
LikeLike
MaanKind said:
Vir ons is dit nou maar net bloot deel van ons dag, Lana! En ons kan nie waag om te praat van ‘n ding nie, en twee minute later hoor ons dit oor radio of TV.
LikeLike
Lidia Theron said:
Ons het al baie hieroor gepraat, jy weet dus hoew ek hieroor voel.
Net om aan te vul kan ek sê dat daar meer as een geleentheid was wat ek by julle aangekom het, dan sê MaanMan, dat hy net pas 5 minute gelede aan my gedink het, of dat julle oor my gepraat het.
Die weirdste (en tog ook nie) is die earbud. Dalk is daar ‘n boodskap waarna MaanMan moet luister en hy doen nie? Die kanale is nie almal oopgestel nie?
Dis maar net wat ek dink.
LikeLike
MaanKind said:
Ons is al OP gedink, alle moontlike en onmoontlike van hoor nie, sien nie, voel nie iets nie
LikeLike
pienkpantoffels said:
Tik my om met ‘n veer … ek het nog nooit so-iets teegekom nie. Maar ek sal beslis nou meer oplettend wees.
LikeLike
MaanKind said:
Solank die veer jou nie bloedbek slaan nie…
Dis ernstig die, dis WEIRD, en deel van ons lewe, elke dag!
LikeLike