Tags
Boeke vir Kindle, Boekemakranka, e-Boek Uitgewers, e-Boeke, Kleinmond Self-Catering Accommodation, Kleinmond Selfsorg Akkommodasie
Vandag het Xena iets gesê wat my laat besef het ons ken mekaar nie goed genoeg nie. “Yin en Yang en nou is ek seker ‘n satanis.”
Xena, so lyk my lewe. Hier is ‘n paar flitsies uit ‘n tipiese dag vir die MaanMense.
Eerstens oordink ek my drome, en kyk na die notas wat ek in die nag in die donker agter in die boonste boek op my bedkassie gemaak het, terwyl ek my tee drink wat MaanMan gebring het. (Daar staan gekrabbel – Mense in hysbakke)
Daarna is dit tyd om die kikoi wat ek om my lyf draai as ek gaan swem, van my rekenaarskerm af te haal en gou epos, blogs en Faceboek te kyk.
*Ignoreer MaanMan se vraag of ek nog nie aangetrek is nie*
Besluit dan om huweliksomnin te vermy, om te gaan stort… Daarna is dit tyd vir MaanMan se lekker gebroude koffie – ek op my rooi leerbank, en hy op sy denimbank, en dit kan lei tot ure-lange gesprekke oor die lewe, die dood en alles tussenin wat lei na die lewe en die dood. Oor Yin en oor Yang.
Dan is dit tyd vir voete natmaak en seëninge tel…
Ons doen al ons huiswerk, instandhouding, die bedryf en bemarking van ons gastehuis (insluitend was en styk van beddegoed) self. Asof die kappery en plaveisel langsaan nie genoeg is nie, het die veldbrande van die afgelope weke alles met ‘n stof/roet/as lagie bedek.
Op sulke dae bestuur MaanMan en ek elkeen sy eie stofsuier, hy onder, en ek bo. Alles wat ons besit word aanhoudend met ‘n nat lappie afgevee, en goed soos my klippies word afgewas en blinkgevryf terug gepak. Een bak Yin, een bak Yang. (Lees jy Xena?)
Om te werk maak mens moeg en dors, en ons het vitamines en minerale nodig. Hierdie is sap gemaak van wortels, appels, pynappel, suurlemoen en gemmer.
Daar is nog so baie wat ek kan wys, die stapels boeke wat rondlê in afwagting op ‘n totale herorganisasie, die pakke CD’s waarvoor daar nie plek in die ordelike rakke is nie, die ure en ure se werk wat ek elke dag doen aan Boekemakranka, maar ek sal volstaan by hierdie fototjie van wanordelikheid. Dit is hoe ons huis normaalweg nié lyk nie.
En dit liewe bloggers, is net so ‘n paar flitsies uit die lewe van die MaanMense se normale dag.
‘n Paar tree in MaanKind se pienk seeplakkies… Dis nou as ons nie afvat en bietjie rits nie…
En nou is dit Xena se beurt. (Jy wil mos!)
Toortsie said:
Ag, lekker!!
LikeLike
Reinhardt said:
Ek het hierdie kykie in julle lewe baie geniet! Ek is mal daaroor om saam met ander mense te ‘kuier’, om in hulle dag-tot-dag te deel, al is dit mense wat ek nog net via hulle blogs ontmoet het. Net die ding om my dag mee te begin 🙂
LikeLike
Son said:
Daar is my denimbank!!! 😉
LikeLike
MaanKind said:
Kyk waar lê jou kussings… Die geel apie behoort aan ons, die ander is haar niggie en nefies.
LikeLike
Pingback: Tipiese Dag « Herriemerrie
MaanKind said:
Dankie dat jy saamspeel…
LikeLike
klippie said:
Dit klink na baie interessante dae wat julle deurleef.
LikeLike
Xena Phoenix said:
😆 Met foto’s?
Net gou vir perspektief – ek kom uit die platteland uit, waar alle vreemde tekens summier as Satanisties uitgemaak is. Ek dink dikwels dit is omdat die mense dit nie verstaan nie. Yin Yang was ook volgens die gesag in plek uit die bose.
Persoonlik hou ek self van die idee van Yin Yang. Lig donker; goed kwaad; mooi lelik – alles in balans. Dit is hoe die lewe is. As ek die gedagte op skool gehad het, het hulle my ook as satanis gelabel. Dit was dus net ‘n tikkie selfspot.
In elk geval – ek hou van ‘n man wat nie skaam is vir ‘n ketel of ‘n stofsuier nie.
LikeLike
Kameel said:
Soooo bly jy moet ook onmin vermy deur te gaan stort 😆 Dankie vir die kykie in jou dag – “jinne en janne,” de lot.
LikeLike
kristel said:
Yinne!
Dit was nou lekker interessant om te lees.
Ek hou veral van die prentjie voor oë van twee maanmense wat elk sy of haar eie stofsuier bestuur. Voorwaar stof tot nadenke – die dinge wat `n huwelik bou en laat hou.
Ek kan my die gesamentlike geraas goed voorstel.
Ek my huis wys? Vir die wêreld om te sien? You MUST be joking. Die verkope van prozak sal die hoogte inskiet.
Soos wat jou huis gewoonlik nié lyk nie, lyk myne. Net erger.
Jou huis is waar jou hart is – as jy natuurlik jou hart in die chaos (wat my omring) kan vind.
Lekker leef daar in jou kleurvolle huis vol “jinne” en dinge.
LikeLike
Charms said:
Ag ek wens ek kon elke dag my voete daar natmaak. Sê gou eers wat is die tweede foto?
LikeLike
MaanKind said:
My hakskeen skuurdingetjie op my badkamerrakkie. Ha-ha!
LikeLike
Charms said:
Ek dog nou net dis ‘n kriptiese leidraad 🙂
LikeLike
demoerin said:
Ek wens daai selfde ding charms.
LikeLike
pienkpantoffels said:
Jy het ‘n baie interessante lewe Maankind en jy verdien elke oomblik van rus en daai yin-yang goed. Dit pas by jou – perfek. Ek wil net graag weet wat is ‘n kikoi?
LikeLike
MaanKind said:
Daai gestreepte lappe wat ek om my lyf draai, oor ‘n tafel gooi. So wyd soos ‘n handdoek maar bietjie langer.
LikeLike
MaanKind said:
Wys ons bietjie hoe lyk jou dag?
LikeLike