Sekere dinge bly maar net konstant, en ‘n mens se inherente passie ook. Ek het voorheen geskryf hoe ek presies dieselfde dinge gedoen het in 1997 as nou, gegewe die tegnologie van daardie tyd. Hierdie fase in my lewe was ek op my prime, soos ek hier geskryf het van hoe ek die tegnologie ingespan het, selfs met my ou rooi Mini.
Veels geluk liewe Internet, met jou mondigwording! Jy bring baie vreugde in my lewe, en ek is so dankbaar daaroor! Ek is een van die heel gelukkigste mense wat heel eerste ‘n e-pos adres gehad het, wat aan individue toegeken is, toe die WNNR die enigste ISP was! Ek gaan sommer netnou my heel- heel eerste Homepage se cache weergawe soek, toe ‘n Homepage moontlik geword het!
Dit was my FaceBook status vanoggend, en ek het bietjie in die argiewe gaan grou.
Daar is niks nuuts onder die son nie, dinge ontwikkel maar net. Ek kry spore waar ons in April 1995 bedrywig was met Lists en Groups, ek ek kry gesprekke oor flieks, die aandelemark, en probleme met rekenaars… Facebook het maar net foto’s en funksionaliteite bygekry….
Daar is inderdaad niks nuuts onder my son nie! Tegnologie, boeke, flieks, mense is en was maar altyd wie ek is en wie ek was en gaan wees. En nuuskierigheid oor hierdie dinge! Hierdies was alles in April 1995.
Die ontwikkeling van my webwerwe van toe tot nou… (Datum na die web)
Ek mis wel een weergawe, veral die een met die klippe!
Nou ja, HAPPY HAPPY vir jou, my liewe Internet! Jy is vandag 21 jaar oud. Nog steeds so wispelturig soos altyd, nie vinniger geword met die jare nie, wel bigger and better, maar steeds kan niks bestand wees teen natuurkragte nie. Die see kan Seamus beskadig, die sunflares werk in op elektronika, so betroubaarheid is maar steeds in mensehande. Van DOS, PowWow, Lists, Groups, Compubank, Beltel, Netscape en Pegasus se dae af tot en met vandag. Ek het jou altyd liefgehad, en sal vir ewig aan jou sy wees.
Until death do us part. Whether it’s yours or mine…
MaanKind 
Om die waarheid te sê: Ek woon nou al amper 13 jaar in hierdie huis. En ek was HIER toe ek die eerste keer internet kon kry. En ons het dit net gebruik vir internet banking en eposse. Ons internet was net te stadig.
LikeLike
Ek is ook dankbaar vir die internet. Het dit wel nie van die begin af gebruik nie, maar ja, dis lekker!!
LikeLike
Jy het nou Grieks met my gepraat, (vir jou gesê jy is slim.) Die bietjie wat ek van internet weet geniet ek wel…. alhoewel dit my geduld tot die uiterste toe beproef.
LikeLike
Ek is mal daaroor!
LikeLike
Dit is nou awesome. My ma werk nou nog by Newsclip …sal nie sê nie wie nie 😉 maar vier saam jou hierdie Internet verjaarsdag!!!!!!!!!!!!!!!!!!!
LikeLike
Sê nou DADELIK!!!!
LikeLike
Okay Elsa…tree binnekort af
LikeLike
Jissie, nou kan ek nie ‘n Elsa onthou nie? Was sy in 1996 daar?
LikeLike
Baie moontlik pas begin, die kantoor was nog by iemand se huis in Randburg? Net vir interessantheid, en om te pas by jou skrywe bo…Newsclip het ook tegnies geraak, en als op computers begin doen. Wát ‘n aanpassing vir my ma. Hulle het nou ruklank fancy kantore naby Flora Clinic, en die dames werk baie hard!!
LikeLike
Die kantoor was ‘n lekker gebou, in Ferndale in Randburg. Verkeer was net ‘n nagmerrie, en ek het in Strubensvallei gebly, lekker na aan Flora. Ek het bietjie gegoogle, en gesien. Daardie tyd was die hele maatskappy vroue, en hulle het bloed uit ‘n klip getap. Almal het hulle vrek gewerk.
LikeLike
Klein wêreld nê? Happy womans day, as jy ‘inclined’ is om te vier!
LikeLike