“Hoe sal ‘n seun ooit werklik sy ma, susters, ouma en uiteindelik sy eie vrou en dogters respekteer as sy pa herhaaldelik om die braaivleisvuur grappies oor “dom vroue” en hul geslagsdele vertel? Of wanneer hy oor en oor hoor dat vroue seksuele gebruiksartikels is, wat nie sy gelyke is nie?”
Hierdie woorde van Elsabé Brits, in ‘n uitstekende artikel in vandag se By, het my diep geraak.
Mans, dink asseblief baie mooi na, hoe diep geïndoktrineer julle is om dit dalk nie eers meer bewustelik te doen nie, maar tóg nog doen. En ons as vroue is ewe diep geïndoktrineer as ons lag vir daardie grappies. Selfs al is dit ‘n ongemaklike laggie, om tog nou nét nie ‘n scene te maak nie.
Dis tyd om dit te staak. Regtig.
Dink ‘n bietjie terug hoe het gesprekke afgeloop waar vroue probeer het om te sê hoe hulle daaroor voel? In huise na die braai, in werksplekke en op Facebook. Vroue se monde word gesnoer deur hulle te vertel hulle is oorsentitief, hulle het geen humorsin nie, om nie die feministiese etiket te vergeet wat soos ‘n aanklag om haar nek gehang word nie. Deesdae ook dié van Suffragette. Summiere skuldigbevinding, sonder ‘n verhoor.
Vroue het ek oor die dekades heen gesien stilbly hieroor, of saam gelag, maar mens kon die pyn in so ‘n vrou se oë sien. Want wat was die alternatief? Ek kan ook vrees by ‘n paar vroue onthou as ‘n ander vrou in die geselskap sou kapsie maak. Nou sidder as ek dink aan die gevolge wat so iets vir ‘n vrou kon inhou.
Dan het ons nog nie eers begin met gay vroue nie. Hulle “kort mos net ‘n goeie vry”, maar laat ek nou nie namens gay vroue praat nie, die vooroordele en aannames is nog meer as ‘n blog lank.
Julle dink ek vergroot? Vererger? Dan sou artikels soos hierbo en skrywes soos hierdie nie nodig gewees het nie en sou die hofsale nie vol gesit het van die aanklagte van huishoudelike geweld en verkragting nie. (En ons praat ook net van die klein persentasie wat wel aangemeld word.)
“To every guy who tries to say that we have already achieved equality for the sexes, if this were true, you wouldn’t be told to “man up”, “be a man”, “stop being a p*#%y”, “harden the fuck up”, “toughen up”, “boys don’t cry”, “don’t be such a girl”, “stop being a wimp”. As long as this type of language still exists in our society, then gender equality, my friends, has in fact not been achieved after all.”
― Miya Yamanouchi, Embrace Your Sexual Self: A Practical Guide for Women
ysbeer13 said:
Daardie video van die man wat hom onwelvoeglik gedra in die gym was vir my net een te veel. Maak eerder ‘n video van hom en probeer hom op sosiale media verneder as om na hom toe te gaan en die saak rustig, met die hulp van toepaslike geweld, uitsorteer.
LikeLike
MaanKind said:
Ek stem. Hierdie verspreiding van video’s is ‘n onding!
LikeLike
coetzee2014 said:
Ek kan ook, eerlik sê, dat ek en my vriende, ons nie daaraan skuldig maak nie. Ek, het nie die artikel gelees nie, maar dit is nodig, om daaroor te praat.
LikeLiked by 1 person
MaanKind said:
Mens moet!
LikeLike
willemvasbyt said:
Dat sulke gesprekke plaasvind kan sekerlik nie weggeredeneer word nie. Mens kan wel jou vriend kies. Trots om te kan sê: ek en my vriende is nie hieraan skuldig nie.
LikeLiked by 1 person
MaanKind said:
Trots tuis ook.
LikeLike
margieswrite said:
Nog ‘n waardige artikel Gelukkig is die mans wat ek ken veel meer respekvol teenoor die vrouens in hulle lewens. maar ek verstaan daar is baie gevalle waar dit heel anders is.
LikeLike
HesterLeyNel said:
Ek het geen geduld met sulke praatjies nie en huiwer nie om my eie man en twee seuns daaroor vas te vat nie. Ek verwag van hulle om hulle ma, ouma en suster te respekteer en dit spoel wel oor na die ander vrouens in hulle lewe ook. Sommige mense ervaar my houding as “aggressief” – jammer om te hoor van hulle pyne – maar hulle waag dit nie om so sê in my teenwoordigheid nie.
LikeLiked by 2 people
MaanKind said:
Jy is reg. Geen man praat so waar ek by is nie. Een ou wat gereeld by ons kuier sal nog ‘n grap maak, dan weet hy al ek gee net één kyk, daarna strip ek my en verlaat die geselskap. Summier.
LikeLiked by 1 person