Mens wil nou nie sommer met die deur in die Huis val nie, maar almal wat al by Casa Maan aan Huis was, sal verstaan waarom ek so opgewonde is dat daar nie met my Huis te hou is nie!
Ek het voorheen geskryf hoe ons hier in Kleinmond beland het, en ook wat dit voorafgegaan het. Wat alles in plek laat val het.
Nou die ‘verflenterde’ huis waarvan ek daar gepraat het, is eintlik baie geskiedkundig. Die gebou waarvan ons woonhuis deel vorm (die huisgedeelte is eers ongeveer 20 jaar gelede aangebou) was Kleinmond se eerste Algemene Handelaar in die middel van die vorige eeu. Die ouer inwoners onthou verskriklik min van die geskiedenis van ons huis, in so ‘n mate dat ek weerstand teen die verskaffing van inligting vermoed. Hulle is taai, en slaan bottoe as ek navraag doen. Ons kon tot dusver ook geen foto’s van die huis opspoor nie.
So kom ek toe hierdie week af op nie minder as twee skilderye, wat die bekende kunstenaar John Kramer van ons huis gemaak het nie!
En so lyk dit nou by Kleinmond Self-Catering Accommodation
Groete van Huis tot Huis…
MaanKind 
Die feit dat almal toeslaan as jy uitvra laat my wonder watter geheime in daardie mure le.
LikeLike
Sê ek ook mos, Charms! Ek het wel van een vreeslike storie gehoor, maar die mense ontken dit.
LikeLike
Jy weet natuurlik jy gaan nou daai storie moet deel.
LikeLike
Ek gaan hom uit die persoon RYG, en kom vertel, die oom is darem al lank genoeg dood dat dit nie meer skandes is nie.
LikeLike
Het gisteraand kommentaar gelewer, maar my kop was sooooo vol dat ek dit tien teen nie “gepos,” het nie. Ek houvan daardie oranje huis van jou, en ek hou nou nog meer van hom omdat hy geskiedenis het…. maak dit soveel meer romanties. Wens jy nie ook die mure wou praat en die stories van die huis vertel nie?
LikeLike
Soms dink ek dis waarom die ouer mense so toetrek as ek vra!
LikeLike
Die huis op die hoek?
LikeLike
Dis net hy!
LikeLike
Aaaah, ek ken daai huis!! Ons hou al ‘n paar jaar in Kleinmond vakansie, en ek weet presies waar julle huis is! So interessant om te hoor van die geskiedenis.
LikeLike
Hallo Sanmari! Soveel mense doen navraag oor ons akommodasie, en wanneer ek die aanwysings oor die foon gee, hoor ek dikwels ‘n stem uit die agtergrond, TOEMAAR, EK WEET PRESIES WAAR DIT IS… Vanwaar is julle?
LikeLike
‘n Mens mis nie sommer ‘n huis met daai kleur nie 😉 Ek kom van die Kaap af, lekker naby. Juis daarom dat ons so graag Kleinmond toe gaan – lekker naby, maar dit voel asof jy in ‘n ander wereld is!
LikeLike
Dit lyk nou na ‘n lekker kuierplek daardie!
LikeLike
Ai dis jammer julle kon nie die plek restoreer nie nê!
Ek klim nou binne my eige vrou se personality in as ek sê dit sou oulik gewees het as julle die plek, veral die ontvangs amper in sy ou glorie dae kon herleef het.
Ons is suckers vir historie!
B
LikeLike
Dis wonderlik om so ‘n lekker geskiedenis te he van jou plek!
LikeLike
Dis wonderlik om in ‘n huis te woon met so ‘n ryke geskiedenis te woon. Ek kan die glad nie verstaan dat mense die geskiedenis so jaloers bewaak nie, so gaan dit geheel tot niet.
Kan die Munisipaliteit nie help om, met behulp van die erfnommer, bietjie navorsing te doen nie. Dalk met behulp van ‘n bydraetjie.
Die huis op Bettysbaai, wat vandag net bekend staan as die Verwoerd Trust-huis, se verkoop transaksies kon ek so naspeur met behulp van ‘n eiendomsagentskap op BB. Die datum waarop die erf aan die Verwoerds verkoop is, deur wie en wat nie nog nie.
As jy net iewers ‘n los rafeltjie waaraan jy kan begin torring kan kry, kan jy alles naspoor. Dis immers dinge wat opgeskryf moet word, wee jy, ek kan sommer kwaad word.
LikeLike
Ons was al by die planneplek. En ons begin nou speurder-speurder speel.
LikeLike
Genade … daai kleur kan ek tot hier in Polokwane sien! 😉
LikeLike
Dis die idee… Jy het geen maar geen idee hoe dit vir ons werk nie.
Gaan kyk hier, kliek op Opinion, dan Popular en volg die skakel heel bo!
http://www.kleinmondnews.co.za/
LikeLike
As kind het ons op Kleinmond gaan kuier by die familie wat daar vakansie hou. (nog steeds hou na al die jare). En dan het ons by so ‘n winkel op die hoek gaan lekkers koop. Nou wonder ek darem of dit dieselfde winkel is???
LikeLike
Dit was die enigste een toe jy ‘n kind was… Ook op ‘n stadium 50/50 genoem.
LikeLike
Ek kan dit ook onthou van die tyd wat ons by familie op Caledon gekuier het en ‘strand toe’ gegaan het. Ek kan dit ook nie so spesifiek onthou nie, net as die winkel op die hoek. Ek praat nou van so ± 1976
LikeLike
Dis SO cool!!!
LikeLike