Met die bakleiery wat nou weer oral aangaan in die koerante en in sosiale media aangaan oor Steve vs Max en links en regs en moenie namens my praat nie ens, het ek weer gedink oor iets wat my baie lankal pla. My wortels. My kultuur. Wie en wat is ons? Wat is ons kultuur?
Toe ek ‘n kind was, was dit maklik. Ek was Afrikaans, in die Dopperkerk, en my oupa het in die ABO geveg, my ouma en oupa was in die Irene konsentrasiekamp. Ek was ook heimlik trots dat my oupa in die tronk was na die 1914 Rebellie, waar hulle wurm-sop moes eet.
My wakis, wat in die Groot Trek die berge oor is Transvaal toe saam met my ouma se ouma
A people without the knowledge of their past history, origin and culture is like a tree without roots.
Marcus Garvey
Nou is dinge glad nie meer so logies en maklik nie. Die goed waarvoor ons so lekker op aandag gestaan het as die vlag gehys is, is ons nou skaam oor, noudat ons weet watter onreg aan mense gedoen is. Nou wapper die nuwe vlag voor ons huis, en ek is met reg trots daarop. Maar dit is nuut, ons land is nuut, en dit is nie my roots nie. Soms voel ek bietjie ontwortel, soos wat ek my verbeel mense wat emigreer na ander lande voel.
Wat is nou eintlik ons kultuur? Wat definieer ons as Suid-Afrikaners, wat ons uniek maak? Ons het ‘n koskultuur van saamkuier, en saameet. Kultuur is ‘n volk se gewoontes, die gedrag wat hom as volk beskaafd maak. Kuns en musiek is deel van jou kultuur, maar wat is eie aan ons, wat maak ons uniek? Ons is ‘n reënboognasie met diverse gebruike, taal en gewoontes. Ons Afrikaanse taal is uniek, maar ons moet tog besef in ‘n reënboognasie kan jy dit nie opeis vir land en volk nie. Ons bly ‘n subgroep, maar as ‘n Afrikaanse subgroep, sou ek graag wou veilig voel. En vasgewortel. Eie. Tog is daar mense wat namers Afrikaanse mense wil praat, waarmee ek my nie kan vereenselwig nie. Die een klomp wat opstaan is te regs, en die ander klomp neuk links.
As ek nou dink, waar lê my wortels werklik, is die antwoord nie so maklik nie. Is dit die plek waar ek gebore is waar ek my eerste 16 jaar gewoon het? (Dit was nie ‘n ou familieplaas wat oor hgeslagte heen kom nie) Is dit Pretoria waar ek die volgende 20 jaar, of Johannesburg vir die volgende 10 jaar gebly het? Ons is nou 12 jaar in Kleinmond in die Kaap en hierdie voel vir my die heel meeste soos huis. Die regte tyd, regte plek gevoel. Maar dis die kroon van die boom, nie die wortels wat my vasanker nie. Ek sou kon emigreer met die knip van ‘n oog, dit sou vir my net ‘n ander woonplek wees.
Huis is waar die hart is, en hart is waar die huis is.
“Culture is the widening of the mind and of the spirit.”
Jawaharlal Nehru (Indian Prime Minister 1889-1964)
Toortsie said:
Ja, die wortels is nie meer dieselfde nie…
My wortels lê in Afrika, ek is lief vir hierdie plek met hierdie verskeidenheid van mense.
My wortels lê in my taal, al is dit ook die “taal van die onderdrukker”. Dis die taal wat ek praat.
My wortels lê in my geloof in Jesus Christus. Hul kan nog al die ander dinge van my wegvat, maar hierdie sal ek aan vasklou.
My wortels lê in my familie. Ek het al daaroor geskryf.
Groetnis
LikeLike
MaanKind said:
Ek beny mense wat hulle wortels kan voel.
LikeLike
Woef-Woef said:
Lewies is reg. Die nuwe kultuur gaan egter ook tyd vat en intussen sit ons maar verward en wag vir dinge om te gebeur sodat ons onsself kan definieer. Ek weet bitter min van my voorgeslagte en kan my dus skaars in terme daarvan definieer. Ek definieer myself baie meer in terme van my waardes en oortuigings as in terme van waarvandaan ek kom. Dalk moet ons ook eerder vra waarnatoe is ons op pad?
LikeLike
MaanKind said:
Dis wat my bekommer, ek wil graag my oë op die lig voor in die tonnel hou.
LikeLike
MaanKind said:
Die diversiteit van die nuwe kultuur is vir my meer gescatter.
LikeLike
Lewies Mymer said:
Daar is ‘n nuwe kultuur besig om te ontwikkel, dink ek.
LikeLike
MaanKind said:
Watse kultuur? Dit voel vir my al hoe meer divers.
LikeLike
Slakkelak said:
Kultuur is maar eintlik net gebruike wat kom en gaan. Ons skep voortdurend nuwe dinge en dis reg. Ek wil nie verantwoordelik gehou word vir my oere voorgeslagte se foute nie, dis vir my verkeerd. Ek is tog nie hulle nie, en mens se omstandighede verskil.
Aan die verlede en ons oere se dade kan ons niks doen nie. Dis wat ons nou doen wat weer vir ons nageslagte bepalend is.
LikeLiked by 1 person
MaanKind said:
Ja, en die kleinkinders moet vir ons ‘n inspirasie wees vir wat ons vir hulle agterlaat.
LikeLike
Net Ek said:
Ja dis nogal ‘n ding nê?!
Pragtige wakis.
Ek is ‘n direkte, (noem mens dit nasaat of afstammeling?) van die regte Piet Retief. Ek weet nie aldag of ek nog trots moet wees oor dit of nie?
Ek is mal oor my taal, maar ek voel ook soms verward oor waar presies ek pas in ons land.
LikeLike
MaanKind said:
Jy verstaan!
LikeLike
benvanbruggen said:
Ek is n ongelowige wêreldburger. Ek kyk groepvormers met n hout oog.
LikeLike
MaanKind said:
So waar pas jy in?
LikeLike
seegogga said:
Ek dink ons land, Suid Afrika, lei aan depressie en een van die redes is omdat ons ontwortel voel. Ja selfs dfie swart en bruin mense van ons land is ontwortel van hulle ou tradisies en kultuur en loop met westerse klere in die stede rond en weet nie of hulle baas of klaas is nie.
LikeLike
MaanKind said:
Nog vis nog vlees…
LikeLike
margiewilson said:
Moenie praat nie. Hier staan ek net so verwilder. Half Engels half Afrikaans, met twee ooms wat aan beide kante van die Oorlog geveg het, en ‘n familie wat soos segeuners dear die land geswerf het, met net vyf jaar in elke dor, totdat ek met John getroud is My erfenis het vir my voorouers gegee wat Paul Kruger op die een kant insluit en ‘n verwantskap aan William Wallace van Scotland aan die ander. Wat maak dit my? Wie is ek? Waar hoort ek? En jy weet nie waar jy inpas nie?
LikeLike
MaanKind said:
My innige simpatie, Margie!
LikeLike