Tags
Wat van ‘n leksel bakpoeier op jou tong? Altemit ‘n koppietjie droë meel? Het jy al ooit geproe hoe bitter is kakaopoeier net so? Dit sit mos so in jou verhemelte vas. Maar gooi hierdie klomp slegte goed bymekaar, sit hom in die oond, en siedaar, ‘n lekker tjoklitkoek.
So voordat ek weer gaan kla oor iets slegs in my lewe, (Dankie Son) – gaan ek eerder dink aan hoe al die klippe in my pad en moeilike goed saam die tjoklitkoeke van die lewe maak. Ironies dat hy nog eers hitte ook moet kry, of hoe?
Maar dan moet die mengsel net reg wees nè? Net genoeg soet ingemeng – te veel van enige bestanddeel en die hele ding trek skeef of val plat of rys te hoog of iets. Die ander snaakse ding is dat jy met dieselfde bestanddele (in die regte verhoudings) soveel verskillende goed kan maak – dit bly maar eiers, botter, meel,en melk – en jy kan ‘n scone kry, of ‘n pannekoek, of ‘n lekker tjoklitkoek!
Maar gepraat van eiers:
Wat word van eiers vandat eiers nie meer eiers is nie?!? Bak jy hom, is die wit so snaaks skuimerig en pof dit amper soos ‘n omelet. Roer jy hom, lyk dit of daar bakpoeier by is. Kook jy hom
*Sluk eers weer*
Kook jy hom, is die geel al gestol en hard, maar die wit nog drillerig. Met so toutjie in. Dit was tog altyd anders om? Tot 7e Laan het gepraat van die wit hard en die geel sag, dogter. So was eiers mos altyd. Kook hom vir 5 minute en jy het ‘n perfekte sagte eier. Met die wit heeltemal gestol, en die geel sag in die middel. Maar nie meer nie.
Wat het verander?!?
Gelukkig kry ek deesdae ‘n enorme migraine as ek soveel as ‘n happie eier eet, so ek hoef myself nie bloot te stel daaraan nie, maar MaanMan is lief vir sy brekfis eiertjie.
Ongelukkig het koek en baie pasteideeg ook eier in. Of moet ek sê gelukkig? Want ek pas sedert my eier-allergie weer in voorverlede jaar se no 12 jean!
Goed en sleg, sag en hard. So is die Yin en die Yang maar altyd onafskeidbaar.
(Vergewe my as hierdie nie vir jou nuut is nie, dele daarvan kom uit ‘n ou LitNet blog)
Pingback: Kuur vir Migraine – Sywurmspoeg! | MaanKind
Son said:
Daai sjokolade koek lyk darem lekker. Ek vas die maand tjoklit – so ek sien net tjoklit waar ek gaan!
LikeLike
MaanKind said:
Jammer man!
LikeLike
melouisef said:
Ek het verstaan jy kan eiers in koek vervang met asyn? Dis nou as jy moet koek bak en eet!
LikeLike
MaanKind said:
Daar is darem baie resepte sonder eier, en ek is nie vreeslike soettand nie.
LikeLike
Loli Pretorius said:
aai, maankind, ek was ‘anoniem’ hierbo, delete maar die comments, of besluit watter een? My chomma die P.c. werkie saam vandag nie!
LikeLike
MaanKind said:
Toemaar, ek vee net die duplikaat uit. Genade maar die rekenaars speel ook nie elke dag saam nie.
LikeLike
Anonymous said:
Ek hou nou weer nie van die reuk van eier, nadat mens hom gebruik het, en skottelgoed was…daar hang altyd so ‘nat eier’ reuk in die lug.( mens ruik dit soms ‘n myl weg, op ‘n restaurant bord ook)…. Enige raad vir dit?
LikeLike
Kameel said:
Ek is net so “hartseer,” oor die eiers van vandag. Soek nou na iemand wat plaaseiers verkoop… van hoenders wat nog op die plaaswerf skrop. Of soek ek nou na die onmoontlike?
LikeLike
MaanKind said:
Ek dink dis van hulle die goed so behandel
LikeLike
murphy said:
Hoekom lyk jou seepampoetjie se gaatjie skielik vir my so SWART swart?
Ek moet sê, sommige eiers het deesdae vir my ook so ‘n snaakse smakie by.
LikeLike
MaanKind said:
Dis die koue wat hom so laat lyk. Nat sand.
LikeLike